Бачу прысутнасьць
І бачу адсутнасьць...
Назіраю, як памірае
Даўно памерлая зорка
І не заўважаю апошнія дні жывых.
Заўважаю, як расьце дрэва,
Але пакуль не сьпілуюць,
Не буду ведаць, колькі яму гадоў.
Сачу, як ляціць птушка,
Але так далёка яна, што не разумею –
Тут застанецца
Альбо паляціць у вырай.
Як зоркі,
Як дрэвы,
Як птушкі –
Рушаць паўз час
Людзі...
Бачу прысутнасьць
І бачу адсутнасьць...
|
|
